მოკლედ: სტამბულის ძირითადი ღირსშესანიშნაობები სულთანაჰმეთის უბანშია; ქალაქის დასათვალიერებლად 3-4 დღეა საჭირო.
- სულთანაჰმეთი: აია სოფია, ცისფერი მეჩეთი, ტოპკაფი, ბასილიკის ცისტერნა
- უფასო: ცისფერი მეჩეთი (ლოცვის გარდა)
- ფასიანი: აია სოფია ~25 ევრო უცხოელებისთვის; Museum Pass İstanbul ხელსაყრელია
- ტრანსპორტი: İstanbulkart ერთიანი ბარათი მეტროზე, ტრამვაიზე და ბორანზე
სტამბოლი – ქალაქი, რომელიც ორ კონტინენტს აერთიანებს და საუკუნეების განმავლობაში ბიზანტიისა და ოსმალეთის იმპერიების ცენტრი იყო. დღეს ეს ისტორიულად მდიდარი და თანამედროვე ქალაქი მსოფლიოს ერთ-ერთი ყველაზე პოპულარული ტურისტული მიმართულებაა. თუ გეგმავ მოგზაურობას, წარმოგიდგენთ სტამბოლის ტოპ ღირსშესანიშნაობები, რომლებიც აუცილებლად უნდა მოინახულო:
1. აია სოფია (Hagia Sophia)
ძველი ბიზანტიური ტაძარი, რომელიც საუკუნეების განმავლობაში იყო ეკლესია, მეჩეთი და მუზეუმი. მისი მასშტაბური გუმბათი, მოზაიკები და ისტორია მას სტამბოლის ყველაზე შთამბეჭდავ ღირსშესანიშნაობად აქცევს.
2. სულთანაჰმედის მეჩეთი (Blue Mosque)
ცნობილია თავისი ლურჯი კერამიკული მოზაიკებითა და ექვსი მინარეთით. მოქმედი მეჩეთი, რომელიც ღიაა ვიზიტორებისთვის და გამორჩეულია არქიტექტურით.
3. ტოპკაფის სასახლე (Topkapi Palace)
Topkapi Palace ოსმალეთის იმპერიის ყოფილი სამეფო რეზიდენციაა, სადაც ნახავ სულთანების საგანძურს, სამზარეულოს, კარაულთა ოთახებსა და ულამაზეს ბაღებს.
4. დოლმაბაჰჩეს სასახლე (Dolmabahçe Palace)
მოგვიანებით აშენებული, ევროპული სტილის სასახლე ბოსფორის სანაპიროზე. გამოირჩევა ლუქს დეკორით, ბროლის შანდალებითა და ოქროთი მოპირკეთებული დარბაზებით.
5. ბასილიკის ცისტერნა (Basilica Cistern)
რომაული ეპოქის მიწისქვეშა წყლის რეზერვუარი, რომელიც შთამბეჭდავია თავისი განათებული სვეტებით და მედუზას ქანდაკებებით. ერთ-ერთი ყველაზე იდუმალი ადგილი სტამბოლში.
6. გალატას კოშკი (Galata Tower)
შუასაუკუნეების კოშკი, რომლის მწვერვალიდან იშლება სტამბოლი -ს პანორამული ხედი. განსაკუთრებით შთამბეჭდავია მზის ჩასვლისას.
7. ბოსფორის სრუტის ტური (Bosphorus Cruise)
ნავით სეირნობა ბოსფორის სრუტეზე — მოგზაურობა ევროპასა და აზიას შორის. გზად გაივლი სასახლეებს, მეჩეთებს, ციხესიმაგრეებსა და თანამედროვე ვილებს.
8. დიდი ბაზარი (Grand Bazaar)
ერთი უდიდესი და უძველესი დახურული ბაზარი მსოფლიოში. აქ ნახავ ხელნაკეთობას, ოქროს, სანელებლებს, ქსოვილებსა და უამრავ სუვენირს.
9. ეგვიპტური ბაზარი (Spice Bazaar)
სურნელოვანი და ფერადი ბაზარი, რომელიც განთქმულია სანელებლებით, ტკბილეულით, ჩაისა და ადგილობრივი პროდუქტებით.
10. ისტიკლალის ქუჩა და ტაქსიმის მოედანი (Istiklal Street & Taksim Square)
სტამბოლის თანამედროვე კულტურული ცენტრი, სადაც მდებარეობს ბარები, გალერეები, მაღაზიები და თეატრები. ქუჩაზე მოძრაობს ცნობილი წითელი ტრამვაი.
რა ვნახოთ სტამბულში – 3-დღიანი მარშრუტი
ხშირად გვეკითხებიან, რა ვნახოთ სტამბულში, თუ ქალაქში მხოლოდ რამდენიმე დღე გვაქვს. სტამბოლის ღირსშესანიშნაობები ისე განაწილდება, რომ ყველაზე მთავარი არაფერი გამოგრჩეთ:
- 1-ლი დღე – სულთანაჰმეთი: აია სოფია, ცისფერი მეჩეთი, ბასილიკის ცისტერნა და ტოპკაფის სასახლე;
- 2-ე დღე – ბაზრები და ბოსფორი: დიდი ბაზარი, სანელებლების ბაზარი, კრუიზი ბოსფორზე და დოლმაბაჰჩეს სასახლე;
- 3-ე დღე – ბეიოღლუ და აზიური ნაწილი: გალატას კოშკი, ისტიკლალის ქუჩა, თაქსიმის მოედანი, ბორნით კადიქოიში გადასვლა.
სტამბულში სანახავი ადგილები, რომლებსაც ტურისტები ხშირად ტოვებენ
პოპულარული ადგილების გარდა, სტამბულში სანახავი ადგილები-ს სიაში შეგიძლიათ დაამატოთ: ბალატისა და ფენერის ფერადი ქუჩები, სულეიმანიეს მეჩეთი, რომელიც ქალაქის ერთ-ერთ საუკეთესო ხედს გთავაზობთ, ჩამლიჯის ბორცვი აზიურ ნაწილში, პრინცის კუნძულები და ორთაქოის სანაპირო ბოსფორის ხიდის ხედით.
სტამბულის ღირსშესანიშნაობები – ფასები
სტამბულის ღირსშესანიშნაობები ფასები ბოლო წლებში საგრძნობლად გაიზარდა და ხშირად იცვლება. ორიენტირისთვის:
- ცისფერი მეჩეთი – შესვლა უფასოა (ლოცვის დროს დახურულია ტურისტებისთვის);
- აია სოფია – უცხოელი ვიზიტორებისთვის ფასიანია (დაახლოებით 25 ევრო), ზედა გალერეაზე ცალკე შესასვლელით;
- ტოპკაფის სასახლე, ბასილიკის ცისტერნა, დოლმაბაჰჩე – ფასიანია, ბილეთები ჯობია ონლაინ იყიდოთ;
- Museum Pass İstanbul – რამდენიმე მუზეუმის ერთიანი ბილეთი, რომელიც რიგების გარეშე შესვლასაც გაძლევთ.
აქტუალური ფასები ვიზიტამდე ყოველთვის გადაამოწმეთ ოფიციალურ ვებსაიტებზე.
ხშირად დასმული კითხვები
რამდენი დღე სჭირდება სტამბულის დათვალიერებას?
ძირითადი სტამბულის სანახაობებისთვის 3-4 დღე საკმარისია, თუმცა ქალაქი იმდენად დიდია, რომ ერთ კვირასაც მარტივად გაატარებთ.
როგორ გადავაადგილდე სტამბულში?
ყველაზე მოსახერხებელია İstanbulkart – ერთიანი სატრანსპორტო ბარათი მეტროს, ტრამვაის, ავტობუსისა და ბორნისთვის.